بىز كىم؟
بىز ۋاھىد خۇداغا، ئۇنىڭ پەيغەمبەرلىرىگە، ئۇنىڭ كىتابلىرىغا، پەرىشتىلىرىگە ۋە ئاخىرەت كۈنىگە ئىمان كەلتۈرگەنلەردىندۇرمىز!
بىز خۇدانىڭ بىزنى ياراتقانلىقىغا ۋە ئۆزىنىڭ تەڭداشسىز خۇسۇسىيەتلىرى ھەم مۇكەممەل ئىرادىسىنى بىزگە ئاشكارلاشنى خالايدىغانلىقىغا ئىشىنىمىز.
بۇنى ئەمەلگە ئاشۇرۇش ئۈچۈن، ئادەم ئەلەيھىسسالامنىڭ دەۋرىدىن تارتىپ، نۇرغۇنلىغان پەيغەمبەرلەر ئارقىلىق، خۇدا ئۆز سۆزىنى ئىنسانىيەتكە يەتكۈزگەن ئىدى.
خۇدانىڭ بۇ سۆزلىرى مۇقەددەس كىتابتا بىزلەر ئۈچۈن خاتىرلىنىپ قالدۇرۇلغان.
خۇدا ئۆز چەكسىز قۇدرىتى بىلەن بۇ مۇقەددەس كىتابلارنى بۈگۈنكى كۈنگىچە، ھېچقانداق بۇلغىنىش، ئۆزگىرىش، ۋە نۇقساندىن پۈتۈنلەي ساقلىغان.
بىز ئىشىنىمىزكى، خۇدا ئۆزى قوغداپ كەلگەن بۇ مۇقەددەس كىتابلارنى بىزنىڭ ئوقۇشىمىز، ھەم ئۇنىڭدىكى ھەقىقەتلەرگە ئىتائەت قىلىشىمىزنى ئىرادە قىلىدۇ.
سىز تور بېتىمىزدىكى بۇ مۇقەددەس كىتابلارنى ئوقۇغىنىڭىزدا، خۇدا ئۆزىنىڭ ھەقىقىتىنى، مېھر-مۇھەببىتىنى ۋە بىپايان رەھىمدىللىكىنى سىزگە نامايان قىلغاي!
